Aktorja e njohur amerikane, Naya Riviera, tronditi gjithë botën pasi u zhduk në liqen teksa shëtiste me djalin e saj me varkë. Trupi i saj u gjet disa ditë më vonë dhe ky lajm trishtoi të gjithë botën e artin dhe jo vetëm. Familja ende nuk e pranon dot lajmin e humbjes së vajzës së tyre, ndërsa ish-bashkëshorti i saj, Ryan Dorsey nuk mund ta imagjinojë të rrisë djalin e tyre 4-vjeçar pa të.
“Është thjesht një makth. Edhe pse ai nuk ishte me Naya, ajo është nëna e Josey. Ai ka nevojë për nënën e tij”, u shpreh një burim për “People”. Burimi shtoi se Ryan po kalon një kohë shumë të keqe dhe nuk ka mundur dot të flejë.
Sipas burimit që kur Naya u zhduk, Ryan dhe Josey kanë kaluar çdo ditë me familjen e Naya. Ata të gjithë po e mbështesin njëri-tjetrin, ndërsa po kujdesen edhe për vogëlushin.
Naya dhe Ryan u martuan në 2014 dhe në fund të 2018 vendosën t’i jepnin fund marrëdhënies së tyre.
