Lajmi se këngëtari i njohur italian, Fedez ishte në gjendje të rëndë pushtoi mediat. Largimi i menjëhershëm i Chiara-s nga Java e Modës në Paris, drejt Milanos i shtoi dyshimet se gjendja është e rëndë. Në fakt ka qenë e rëndë. Ka qenë këngëtari që në një intervistë për “Corriere della serra” ka shpjeguar gjithçka.Sipas tij, ulçera i shkaktoi hemoragji të brendshme, çka e bëri të domosdoshëm operacionin.
“Isha në shtëpi, i kisha vënë fëmijët në shtrat. Më kishte rënë presioni i gjakur dhe më pas të fikët. Pastaj thirra ambulancën. Unë isha shumë i bardhë, jo se jam tamam si Carlo Conti tani, por shkurt isha edhe më i bardhë se tani. E kalova natën në urgjencë. Gjaku im ishte 7, në vend të 14. Kështu ata ndërhynë urgjentisht, për të ndaluar gjakderdhjen, për të kauterizuar, me pak fjalë, bënë gjithçka që duhej për të ndaluar hemorragjinë e ulçerës. Më është dashur të bëj edhe dy transfuzione: përveçse falënderoj mjekët, në veçanti doktorin Marco Antonio Zappa, infermierët e Fatebenefratelli, dua të falënderoj të gjithë dhuruesit e gjakut. Sapo të rikthehem dua të bëj diçka për Avisin, të ftoj të tjerët të dhurojnë gjak; personalisht, pa ato transfuzione nuk do të isha këtu. Po të mos e kisha kuptuar se çfarë po ndodhte, do të isha sëmurë në oqean, në një avion për në Los Angeles, dhe nuk e di se si do të kishte përfunduar”, ka thënë ai. Përmes disa fotove në Instagram, kemi parë se Fedez është rikthyer në shtëpi dhe gjendja tanimë është përmirësuar.
