Aktorja shumë e njohur indiane e cila luan rolin e “Xhanvit” në serialin “Bixhoz me dashurinë”, Mrinal Deshraxh së fundmi ka dhënë një intervistë ku ka zbuluar si u bë aktore. “Isha në një periudhë të jetës sime ku nuk dija çfarë të bëja. Isha konfuze, isha e humbur. Fillova të mos dëshiroja të bëja asgjë. Çdo vit shkoja në Mumbai pasi kushërirat e mia jetonin atje. Dikush nga teatri Pritvi më pikasi pasi andej pija kafen çdo ditë. Më ofruan një rol dhe pranova sepse nuk kisha asgjë të mirë për të bërë në jetë. Pasi bëra disa prova, fillova aktrimin në teatër dhe më pas në seriale. Por teatri është shumë ndryshe pasi do më shumë punë. Duhet të shkosh çdo ditë për prova dhe nuk mund të justifikohesh. Në teatër duhet të përfshihesh shumë në rolin që do luash aq sa të bëhet pjesë e jetës. Ndërsa në seriale është ndryshe pasi thjesht lexon dialogun, del para kamerës dhe aktron. Në seriale nuk ka aq shumë rëndësi performanca sa në teatër. Në teatër duhet të improvizosh çdo fjalë, paragraf. Teatri të ndihmon të rritesh profesionalisht ndërsa serialet nuk të japin shumë kënaqësi. Pasi dhashë disa shfaqje në teatër, vendosa ta lë dhe të aktroj në seriale. Roli im i parë në një serial ka qenë negativ dhe ishte gjë e re për mua. Më pas mora rolin e Xhanvit. Xhanvi ishte një grua shumë emocionale, ashtu jam edhe unë në jetën reale por jo aq shumë sa ajo prandaj e kam pak të vështirë ta bëj rolin e saj. Më vonë kur Xhanvi në serial bëhet karaktër i fortë e kisha më të lehtë sepse gjeta veten”, është shprehur Mrinal Deshraxh./revistawho.com
