Një nga miqësitë më të diskutuara në showbiz-in botëror është edhe ajo mes Miley Cyrus dhe Ariana Grandes. Këngëtaret e kanë pranuar që miqësia e tyre është e hershme dhe deklaratat për marrëdhënien në fjalë nuk kanë qenë të pakta. Së fundmi ka qenë Miley ajo që ka folur për shoqërinë me Arianën duke u shprehur: “Doja të tregoja se ajo është një mikeshë e mirë, nuk ka të bëjë me sa orë flasim apo shakatë që shkëmbejmë, ajo është thjesht një shoqe e vërtetë”.
Veç kësaj Miley ka treguar dhe se çfarë bëri ajo kur mikesha e saj u nda nga i dashuri, Pete Davidson. “Unë jam një njeri ‘emoji-sh’, ndaj kur mora vesh për ndarjen e saj, i dërgova një figurë me shumë zemra të vogla dhe një mace. Sado që kjo ishte diçka e vogël e bëra këtë për ti nënkuptuar që jam këtu për ty”, shtoi këngëtarja. Ariana ju përgjigj gjithashtu me një ‘emoji’ duke i thënë se ishte në rregull dhe ishte mirë. “Faleminderit që mendove për mua”, kishte shtuar Ariana në mesazhin e saj. Duket se vajzat pavarësisht ndarjeve të dhimbshme, kanë mbështetjen e njëra tjetrës./revistawho.com
