Kujdesi për lëkurën tuaj duhet të jetë një pjesë thelbësore e regjimit tuaj shëndetësor. Në fund të fundit, është organi më i madh i trupit tuaj.
Gjëja e parë që shumica e profesionistëve të shëndetësisë do t’ju tregojnë për të bërë, në mënyrë që të mbani lëkurën tuaj të shëndetshme, është të kufizoni ekspozimin tuaj ndaj rrezeve të dëmshme ultravjollcë (UV) të diellit dhe të mbani mbrojtësin diellor kur jeni i ekspozuar ndaj rrezeve të diellit.
Vetëm 10-15 minuta e ekspozimit të përditshëm në diell, ndihmon prodhimin e vitaminës D në të gjithë lëkurën. Vitamina D është një nga vitaminat më të mira për lëkurën tuaj, së bashku me vitaminat C, E dhe K.
Vitamina D
Vitamina D më së shpeshti bëhet kur drita e diellit përthithet nga lëkura juaj. Kolesteroli kthehet në vitaminë D kur kjo ndodh. Vitamina D merret më pas nga mëlçia dhe veshkat dhe transportohet në të gjithë trupin për të ndihmuar në krijimin e qelizave të shëndetshme.
Ju mund të rrisni marrjen tuaj të vitaminës D në këto mënyra:
-duke marrë 10 minuta në ditë ekspozimin e diellit
-duke ngrënë ushqime si drithërat e mëngjesit, lëngu i portokallit dhe kos
-duke ngrënë ushqime që kanë vitaminë D natyrisht, si salmoni, ton etj
Vitaminë C
Vitamina C gjendet në nivele të larta në epidermë (shtresa e jashtme e lëkurës), si dhe dermë (shtresa e brendshme e lëkurës). Ajo lufton kancerin dhe roli i saj në prodhimin e kolagjenit ndihmon në ruajtjen e lëkurës tuaj të shëndetshme. Kjo është arsyeja pse vitamina C është një nga përbërësit kryesorë që gjenden në shumë produkte ‘kundër moshës’, të kujdesit të lëkurës.
Vitamina C gjithashtu mund të ndihmojë në shmangien e shenjave të plakjes, për të shëruar lëkurën e dëmtuar dhe, në disa raste, zvogëlon pamjen e rrudhave. Vitamina C mund të ndihmojë në riparimin dhe parandalimin e lëkurës së thatë.
Rekomandimi për vitaminën C është 1000 mg në ditë. Nëse dalloni se ju nuk keni mjaft vitaminë C në dietën tuaj, ju mund të:
-hani më shumë ushqime agrume, të tilla si portokall
-hani burime të tjera me bazë bimore të vitaminës C, të tilla si luleshtrydhe, brokol dhe spinaq
Vitamina E
Ashtu si vitamina C, vitamina E është një antioksidant. Funksioni i saj kryesor në kujdesin e lëkurës është mbrojtja nga dëmtimi i diellit. Vitamina e thith dritën e dëmshme UV nga dielli kur aplikohet në lëkurë.
Normalisht, trupi prodhon vitaminë E përmes sebumit, një substancë vajore e marrë edhe përmes poreve të lëkurës. Në balancën e duhur, sebum ndihmon në ruajtjen e lëkurës dhe parandalon thatësinë. Vitamina E gjithashtu ndihmon në trajtimin e inflamacionit të lëkurës.
Vitamina E është në shumë produkte të kujdesit të lëkurës, problemi është se çdo efekt mund të minimizohet pas ekspozimit të diellit. Shumica e të rriturve kanë nevojë për rreth 15 mg vitaminë E në ditë. Ju mund ta rrisni marrjen e vitaminës E në këto mënyra:
-duke ngrënë më shumë arra, bajame, lajthi, dhe farat e lulediellit
-duke marrë një shtesë multivitaminë ose vitaminë E
-duke përdorur produkte të ditës që përmbajnë vitaminë E dhe vitaminë C (kjo mund të jetë më efektive sesa ato që përmbajnë vetëm një nga të dyja)
Vitamina K
Vitamina K është e domosdoshme sepse ndihmon trupin të shërojë plagët dhe zonat e prekura nga një operacion. Funksionet bazë të vitaminës K mendohet të ndihmojnë në zona të caktuara të lëkurës, siç janë:
-plagët
-njolla të errëta
Vitamina K mund të gjendet në shumë produkte të ndryshme të lëkurës dhe mund të ndihmojë trajtimin e një sërë kushtesh të lëkurës. Mjekët shpesh përdorin kremra që përmbajnë vitaminë K tek pacientët që sapo kanë bërë operacione, për të ndihmuar në zvogëlimin e ënjtjeve.
Sipas Universitetit të Floridës, të rriturit kanë nevojë mes 90 dhe 120 mg në ditë. Ju mund të rrisni sasinë tuaj duke ngrënë:
-lakër jeshile
-spinaq
-bishtaja. /revistawho.com
