Shumë filma të mëdhenj u prodhuan gjatë 2018, por vetëm disa u pritën mirë nga shikuesit dhe kritikët. Më poshtë ju sjellim një listë të filmave më të mirë që meritojnë të fitojnë çmimet Oscar këtë vit:
1- Vox Lux
Heroina kryesore e këtij filmi është një këngëtare me famë botërore që vuan nga trauma të shumta psikologjike. Kur Çeleste ishte një nxënëse, i mbijetoi të shtënave me armë në shkollë. Natalie Portman është aktorja kryesore dhe aktrimi i saj definitivisht meriton një Oskar. Aktori mbështetës është i madhi Jude Law.
2- Ben is Back
Ben është një ngatërrestar i vërtetë. Në prag të Krishtlindjes, ai arratiset nga një qendër rehabilitimi dhe kthehet tek nëna e tij e dashur, e cila është mjaft e lodhur nga truket e tij. Ajo e takon djalin e saj krahëhapur, por së shpejti e kupton se Ben nuk ka ndryshuar dhe asgjë e mirë nuk pritet prej tij, përveç problemeve. Sa larg duhet të shkojë kjo grua e fortë për të shpëtuar djalin e saj? Julia Roberts dhe Lucas Hedges kanë shkëlqyer brenda këtyre dy roleve.
3- The Mule
Earl është 88 vjeç, ai nuk shkon mirë me gruan dhe fëmijët e tij, ndërsa biznesi i tij është duke falimentuar. Atij i ofrohet një punë për të transportuar ngarkesa nga një vend në tjetrin. Më pas ai kupton se është duke transportuar drogë.
4- If beale street could talk
Ky film tregon historinë e një gruaje të re e cila është në pritje të fëmijës së saj të parë me të fejuarin. Por më pas lumturia e tyre ndërpritet kur i fejuari i saj akuzohet për përdhunim.
5- The miseducation of Cameron post
Cameron është një vajzë adoleshente e cila detyrohet të ndjekë një terapi ndaj orientimit të saj seksual pasi të afërmit e saj zbulojnë se ajo ishte në një lidhje me një nga shoqet e klasës.
6- Widows
4 gra bëhen vejusha pasi bashkëshortët e tyre vdesin në një tentativë vjedhjeje. Tashmë gratë duhet të mbajnë përgjegjësi për veprimet e tyre./revistawho.com
