Një episod i zakonshëm televiziv u kthye në momentin më të përfolur të mbrëmjes, pasi aktorja Rudina Dembacaj bëri një koment që i surprizoi të gjithë.
Në “Goca dhe Gra” u diskutua një nga ngjarjet më të bujshme të ditës në Francë: nisja e vuajtjes së dënimit nga ish-presidenti Nicolas Sarkozy. 70-vjeçari u shoqërua në burgun e La Santé nga bashkëshortja e tij, këngëtarja dhe modelja Carla Bruni, e cila nuk ia lëshoi dorën për asnjë moment.
“Mua më pëlqen si gjest se, në të mirë e në të keq kjo do të thotë,” – tha Ema Andrea gjatë bisedës.
Ndërsa Sherina Spahiu shtoi: “Ajo është shumë femërore, i shkon t’a përcjelli. Edhe ato gjestet e vogla, mua më duket shumë e fisshme.”
Moderatorët u ndalën tek mënyra se si një skenë e tillë do të interpretohej në Shqipëri, duke nënvizuar ndryshimet që ende ekzistojnë në raportin burrë-grua.
Në vijim, Ori Nebijaj ngriti pyetjen që ndezi studion:
“Ju vetë si do ja kishit bërë nëse do ishit gratë e një politikani, apo një njeriu shumë të njohur që mund të rrezikonte të shkonte në burg. Do t’a shoqëronit dorë për dore?”
Dhe aty erdhi momenti i Rudinës. Me humorin e saj karakteristik, ajo u përgjigj:
“Tani burrin e kam ish-politikan, por e kapa pas burgut. Kështu që jam e nderuar.”
Deklarata e saj u prit me të qeshura në studio dhe u bë menjëherë virale në rrjete, duke rikthyer vëmendjen tek mënyra si Rudina e trajton me humor dhe sportivitet jetën e saj personale.
