Anna Oxa ka jetuar tërë jetën në Itali, por me origjinë këngëtarja e famshme është shqiptare. E ftuar sot në “E diela shqiptare”, Anna tregoi se nuk janë të vërteta spekulimet se ajo është mbesa e Enver Hoxhës, duke u shprehur: “Unë jam goca e Qazimit nga Kruja”.
Anna ka aplikuar për pasaportë shqiptare dhe kryeministri Rama ka shkuar në Krujë për t’ja dorëzuar vetë këngëtares.
“Teksa flija sonte, m’u shfaq në ëndërr dhe më tha është Ana Hoxha dhe jo Oxa, në kështjellën time. Duhet të shkosh dhe të konfirmosh që ajo bën pjesë në ushtrinë time të madhe të shqiptarëve që nuk heqin dorë kurrë. Ju solla pasaportën shqiptare, me një foto të bërë nga fotografi i Skënderbeut. Nga ky çast ju jeni zyrtarisht shqiptare. E dërguara e Skënderbeut në tokë përtej detit. Ju duhet të dini që fama juaj ka ardhur këtu para jush dhe nuk ka ardhur një famë si ndjekëse e heshtur e Nënë Terezës, por ka ardhur fama e një ndjekëse të Skënderbeut, e një luftëtareje që nëse nuk i hap rrugën të shpartallo”-i tha Rama këngëtares.
