Jennifer Aniston ishte e ftuar në episodin e fundit të “Ellen DeGeneres Show”. Ellen kishte zgjedhur Aniston si të ftuarën e fundit meqënëse ajo ka qenë edhe e ftuara e parë në këtë emision në vitin 2003.
Gjatë intervistës aktorja rrëfeu se si e përballoi fundin e “Friends” duke bërë shaka se “është mësuar” t’i japë fund gjërave duke përfshirë kështu dhe martesën e saj me Brad Pitt.
“U divorcova dhe shkova në terapi. Oh, dhe më pas bëra një film të quajtur The Break-Up. Isha gati duke prekur fundin. Thjesht thashë: “E dini çfarë djema, le ta bëjmë këtë një kapitull krejtësisht të ri.”
“Le t’i japim fund gjithçkaje,” u përgjigj Ellen.
“Le të përfundojmë gjithçka dhe pastaj të fillojmë me gjëra të reja,” tha aktorja.
‘Dhe funksionoi!’ tha Ellen.
“Ka funksionuar shkëlqyeshëm!”, u përgjigj Jennifer.
Jennifer u divorcua nga Brad pas pesë vitesh martesë në vitin 2005, një vit pasi i dha fund dhe serialit “Friends”.
