“You’re beautiful”, nga James Blunt vazhdon të mbetet një nga këngët më të pëlqyera, por në fakt ka një kuptim të errët. Në një intervistë të dhënë së fundmi, këngëtari i njohur ka treguar dhe kuptimin që mbart kjo këngë.
“You’re beautiful” është një ndër këngët që dëgjohet shumë nëpër dasma, pavarësisht se flet për një djalë, i cili ka konsumuar lëndë narkotike dhe përndjek të dashurën e dikujt tjetër.
“Në fakt në këngë jam unë që përndjek të dashurën e dikujt tjetër në një metro ndërkohë që kam konsumuar lëndë narkotike por njerëzit e luajnë nëpër dasma, gjë që është shumë e mirë. Një ditë isha në një metro në Londër dhe pashë ish të dashurën time me të dashurin e ri. Shikimet tona u shkëmbyen teksa kaluam pranë njëri-tjetrit, kështu që shkova në shtëpi dhe shkrova tekstin e këngës “You’re beautiful” për dy minuta”, tregoi këngëtari.
“Takova mikun tim tekst shkrues, Sacha Skarbek në Los Angeles dhe së bashku me Amanda Ghost, përfunduam këngën. Është përshkruar gjithmonë si këngë romantike, por në fakt është pak e frikshme”, përfundon James Blunt.
