Këngëtarja me origjinë shqiptare, Dua Lipa ka folur rreth problemeve që shkaktojnë rrjetet sociale, në një intervistë për “BBC Breakfast”. Ajo u shpreh se media sociale është një tokë kultivuese për “urrejtje dhe ankth”. Duke folur për BBC, Dua u kërkoi përdoruesve që të jenë “më të mirë ndaj njëri-tjetrit” në internet, për të mirën e të gjithëve. “Disa ditë nuk i lexoj komentet. Disa ditë ndoshta ndihem pak më e prekshme dhe zhytem duke kërkuar për gjëra që nuk dua t’i shoh”, u shpreh 24-vjeçarja. Artistë të tjerë të njohur si Selena Gomez, kohët e fundit kanë shprehur shqetësimin e tyre për modelet e sjelljes në mediat sociale, duke e përshkruar atë si “të tmerrshme” për gjeneratën. Muajin e kaluar, Dua bëri thirrje për një kujdes më të mirë të shëndetit mendor. Ajo ka pranuar se pavarësisht sa argëtuese dhe të rëndësishme janë “Twitter” dhe “Instagram”, largohet në momentin që ndihet keq dhe e bezdisur prej tyre. “Rrjetet sociale mund të jenë mjete kaq të bukura dhe argëtuese për të ndarë gjërat, por në të njëjtën kohë është pothuajse një tokë kultivuese për urrejtje dhe ankth”, shtoi ajo. “Njerëzit ndihen sikur mund të thonë gjëra sepse fshihen pas një ekrani kompjuteri dhe për mua është e rëndësishme të përdor mediat sociale në periudha të shkurtra. Në momentin e parë që nuk ndihem mirë distancohem pak”, përfundon artistja. Së fundmi Dua publikoi këngën e saj më të fundit, e cila rezultoi të ishte një sukses i vërtetë.
