Ish-banorja e Big Brother VIP Kosova dhe ish-e dashura e Gjestit, Xheneta Fetahu, ishte e ftuar në emisionin “E Diell” në Top Channel, ku foli për marrëdhënien e saj me Gjestin pas daljes nga reality show.
E pyetur nëse e ka uruar për ditëlindje dhe si është raporti mes tyre aktualisht, Xheneta u shpreh:
“Po, e kam uru për ditëlindje!”.
“Pra mes jush ekziston një lloj respekti reciprok pas daljes nga reality show-t respektiv?” – u pyet ajo nga moderatorja, Nevina Shtylla.
“Jemi parë disa herë”, pranoi Xheneta duke habitur të pranishmit me këtë deklaratë për takimet e rastësishme që kanë pasur pas përfundimit të spektaklit.
“Më ka ndodh me e pa disa herë dhe mënyra si ka shiku m’vinte pak gjynah, jo për atë si person por thjesht… mos t’fiksohet nga unë se s’kam me i bo gjë. Thjesht e kam uru për suksesin dhe kaq,” shtoi ajo.
