Kur u takuan për herë të pare vite më parë, Ben Affleck thjesht nuk mundi të vazhdonte me zhurmën mediatike që rrethonte atë dhe Jennifer Lopez dhe vendosi t’i jepte fund lidhjes së tyre. Paparazzi vazhdoi ta shoqëronte çiftin në çdo rast dhe pas më shumë se 20 vitesh asgjë nuk ka ndryshuar. Ben dhe JLo vendosën t’i japin dashurisë edhe një përpjekje dhe madje u martuan fshehurazi në Vegas. Por ndërveprimet më të fundit mes çiftit në publik na kanë dhënë një ide se çfarë po kalon Ben dhe Jen. Gjatë javës së fundit, ka pasur disa momente kyçe që zbuluan se çfarë po ndodh vërtet.
Ndërveprimi i parë ishte Ben duke i përplasur derën Jennifer-it teksa një paparac ishte afër çiftit teksa bënte foto. Një tjetër moment ishte gjatë premierës së “The Mother”. Në një moment, Ben dukej më i shqetësuar se normalisht dhe i bërtiti Jennifer Lopez-it para të gjithëve. Ata ishin në tapetin e kuq kur ndodhi kjo dhe shkaktoi komente të shumta në internet. Me sa duket, Ben Affleck ka filluar të shfaqë sjellje të ngjashme që nga koha kur u takua për herë të parë me Jannifer Lopez. Nuk është e vështirë të kuptosh që Ben Affleck dëshiron më shumë privatësi.
Një eksperte e gjuhës së trupit, Judi James duke folur për ndërveprimet e Ben Aflfeck dhe Jennifer Lopez tha për “Mirror” se është e bindur se këto dy shpërthime mund të jenë një tregues se çifti mund të mos zgjasë për një kohë të gjatë.
Ja analiza e bërë nga Judi: “Ndarja e tyre e mëparshme e la Jennifer-in ‘zemërthyer’ dhe ajo sugjeroi që ‘të qenët nën rrethim’ nga shtypi shkaktoi një problem për ta si çift, kështu që duke parë Benin të lodhet mjaftueshëm për të përplasur derën e makinës nuk është një pamje e mirë. Ngjarja me derën e makinës erdhi pas disa momenteve shumë të ëmbla mes çiftit teksa ata ishin nisur për të pirë një kafe.”
Judi shtoi: “Ben ecën para Jennifer-it dhe humori i tij duket se ka ndryshuar. Ai hap derën e makinës për të, por nuk arrin ta shikojë ndërsa ajo hyn brenda, megjithëse ai hedh një vështrim para se të mbyllë derën. Gjesti duket dramatik dhe i zemëruar edhe pse çdo acarim duket se shkaktohet dhe i drejtohet fotografëve, me të cilët ai vazhdon të komunikojë dhe t’u bëjë gjeste pasi të arrijë në anën e tij të makinës. Shqetësimi është nëse Ben ndihet përsëri nën presion nga paparacët dhe nëse ky presion do çojë si dikur në anulimin e fejesës dhe martesës së tyre të parë.”
