E ftuar në emisionin “Goca dhe Gra”, këngëtarja e mirënjohur Çiljeta Xhilaga foli për karrierën, por mbi të gjitha për familjen dhe vendimin për t’iu dedikuar më tepër, duke lënë mënjanë planet dhe projektet muzikore.
Ajo u shpreh se në shtëpi jeton me tre burra, duke u rrëfyer edhe për marrëdhënien që ka i biri, Fernando me djalin e Albanit.
“E kam dashur gjithmonë familjen, sepse ashtu jam rritur. Atëherë ishte koha e karrierës, tani është pjesa e familjes, të dyja bashkë është vështirë t’i bësh. Unë jam me tre burra në shtëpi e dashur. Ka pafund lodhje, por e dua shumë. Djali i Albanit dhe Fernando duhen shumë dhe unë i dua shumë. Unë dua fëmijë, por kur të ketë rrisk zoti. Lidhja më ka pjekur, të kesh përgjegjësi për dy fëmijë, është përgjegjësi shumë e madhe. Jam shumë e lumtur dhe e bëj me shumë dashuri. Unë gjithmonë kam ndjekur zemrën, s’më ka ndikuar askush. Jam rritur para kohë, kam ndenjur me njerëz më të rritur. Jam rritur me dy prindër që më kanë plotësuar çdo gjë. Thjesht kam qenë me fat që kam bërë shumë gjëra, gjithmonë kam qenë e pavarur. 16 vjeçe jam paguar për herë të parë”, tha Çiljeta./revistawho.com
