Jeta private e Stresit gjithmonë ka nxitur kuriozitet dhe pas historisë me Keisin, reperi vendosi ta ruante sa më hermetike këtë pjesë. Ndonëse është përfolur për lidhje me vajza të tjera, Stresi ka preferuar të mos reagojë. Megjithatë është një vajzë që siç duket ja ka rrëmbyer zemrën sepse si rrallëherë reperi ka vendosur ta bëjë publike. Ditën e djeshme ai publikoi një video me vajzën në fjalë ku të dy shfaqeshin në makinë, por identitetin e saj preferoi ta fshihte me emoji. Më tej Stresi shkruante se e kaluara duhet të mbesë në të kaluarën dhe duhet jetuar e tashmja, duke dhënë kështu një mesazh se ai nuk ka më asnjë lidhje me Keisin dhe po vazhdon jetën e tij. Megjithatë pyetja që bënë të gjithë ishte kush është vajza në videon e Stresit? “Panorama plus” ka zbuluar se vajza në fjalë quhet Megi.
Ajo është modele, ka marrë pjesë në disa videoklipe, mes tyre edhe te ai i Stresit. Megi është shfaqur në këngën “Savage” që reperi publikoi pak javë më parë. Atë ditë ajo publikoi dhe një foto krah reperit ku shiheshin të përqafuar. Thuhet se dyshja janë njohur në xhirimet e kësaj kënge.
