Ky sezon i ri televiziv ka sjellë shumë ndryshime. Lëvizjet nga një ekran në tjetrin të emrave më të njohur të gazetarisë, ose ndryshimet në programacion janë vetëm pak nga risitë që do të sjellë vjeshta.
Së fundmi bëhet me dije se në “Top Channel” përveç ndryshimeve në staf, do të ketë edhe ndryshime rrënjësore në studiot televizive. Skenografi, Fatmir Minga tregon se ky do të jetë viti i risive të mëdha. Punonjësit kanë punuar përgjatë gjithë verës për të sjellë tetë studio të reja, të cilat do të jenë të bukura për syrin e njeriut dhe të rehatshme për personazhet e ftuar.
“Është ushtri e madhe këtu. Duke filluar nga elektriku, nga ndriçimi, që janë të gjithë artistë. Duhet të kontribuojmë maksimalisht për të bërë këtë dhe të gjithë kanë një detyrë të caktuar. Nuk pushon “Top- i” asnjëherë, të jeni të sigurt që nuk pushon!”, thotë Minga.
Na ndajnë vetëm pak ditë nga startimi i sezonit të ri dhe të gjithë janë kuriozë të shohin ndryshimet./revistawho.com
