Jona Spahiu prej pak muajsh po përjeton ndjesinë më të bukur, atë të të qenurit nënë. Raiden rritet dita-ditës dhe pas lindjes së tij mëngjeset në shtëpinë e Jonës duken shumë të ëmbla. Moderatorja e njohur ka publikuar në ‘Instagram’ një video të shkurtër, ku ka zbuluar pamjet brenda dhomës së saj të gjumit. Në të shihet një krevat shumë i madh, në të cilin duket se qëndron edhe Raiden. Në video i vogli shfaqet duke luajtur dhe parë kukulla, ose dëgjuar muzikë për fëmijë. Ndërkohë që Raiden luan, mami Jona duket se shfrytëzon kohën për t’u bërë gati.
Moderatorja shihet duke qëndruar para një pasqyre dhe ajo çfarë bie në sy janë produktet e shumta kozmetike, që çdo vajzë ëndërron të ketë në dhomën e gjumit. Tani që kanë kaluar 7 muaj nga lindja e vogëlushit, Jona duket se është përshtatur me rolin e ri si nënë dhe gjen mundësinë të kujdeset për veten dhe të voglin. Kujtojmë se Raiden është fëmija i parë i Jona Spahiut, i cili është fryt i dashurisë së saj me Frenkli Ymerin. /revistawho.com
