Sezoni i parë i “Big Brother Vip” qe tejët i suksesshëm dhe u komentua gjerësisht para se të niste, gjatë muajve të spektaklit dhe kur aventura 136 ditore përfundoi.
Kur njerëzit janë tejet kureshtarë se çfarë do ndodhë në sezonin e dytë, i cili do të vijë në fund të muajit dhjetor të këtij viti, “Big Brother Vip” ka menduar një surpizë të fundit për të gjithë ndjekësit.
Stafi ka vendosur të publikojë disa fragmente gjatë prapaskenave të punës 4- mujore në formën e një dokumentari.
Dokumentari është përgatitur nga regjisori Eduard Grishaj dhe përmban rrëfime të banorëve në dhomën e rrëfimit, diskutimet e organizatorëve, dënimet e vendosura, lojërat e madje edhe disa ‘sekrete’ të cilat nuk janë publikuar asnjëherë gjatë transmetimeve ‘live’.
Me siguri kjo puntatë do të pritet me shumë kërshëri nga e gjithë audienca./revistawho.com
