Këngëtarja e njohur, Tuna ka ndarë së fundmi në llogarinë e saj në ‘Intagram’ një nga momentet më të veçanta që ajo ka hasur gjatë koncerteve të shumta të mbajtura në vende të ndryshme brenda dhe jashtë Shqipërisë. Në videon e publikuar në ‘Instastory’ dallohet publiku i gjerë i cili këndon këngën me titull ‘A don hala’, të cilën 34-vjeçarja e solli në muajin mars në bashkëpunim me këngëtarin, Ylli Limani.
“Ma dërguan këtë video nga Tetova e bukur. Ju falënderoj për emocionin që më dhatë. E ndjeva dashurinë tuaj nga Sharri deri këtu. A ka ndjenjë më të bukur se të shohësh si i tërë sheshi në një zë këndon ‘A je tuj pa’? Ju shoh dhe më mbushni zemrën. Të dua Tetovë”, ka shkruar artistja në videot e publikuara në llogarinë e saj, duke zbuluar se është emocionuar shumë nga këto momente.
Mesa duket jehona e një prej këngëve më të pëlqyera të albumit me titull ‘Fortuna’ i cili u publikua në muajin mars të këtij viti, vazhdon akoma./revistawho.com
