Për familjen Deda, dita e sotme është shumë speciale. Jul Deda ka publikuar pak minuta më parë një foto shumë speciale të anëtarit më të ri në familjen e tij. Vëllai i aktorit të njohur u bë baba i një djali të cilin siç u kuptua nga publikimi i Julit, e kanë pagëzuar me emrin Domenik. Me anë të një shkrimi të shkurtër, aktori i humorit ka shprehur ndjesitë e para të ardhjes në jetë të nipit.
“Mirë se erdhe në familje Domenik Deda. I dashur nipi im, ‘taksirat’e ke të jesh pjesë e një familjeje të thjeshtë shqiptare, që është munduar, pa hile, të vërë një tullë modeste në këtë vend dhe shpresoj që ti të vazhdosh këtë traditë dhe jam i bindur që kështu do të jetë. Paç jetë të gjatë dhe të mbushur plot me suksese. Ne të duam shumë, shumë, shumë”,-ka shkruar Juli.
Imazhi i të voglit nuk është zbuluar, por në foton e publikuar duket qartë gëzimi i gjithë familjes për ardhjen në jetë të një tjetër djali. / revistawho.com
