Justin Bieber “dëbohet” nga Argjentina

Këngëtari kanadez Justin Bieber ka nisur turin e tij të shumëpritur muzikor “Purpose” i cili ka nisur me 9 mars 2016 dhe pritet të përfundojë me 29 nëntor të këtij viti. Shumë fansa mbarë botës do të kenë mundësinë të shikojnë Justin duke kënduar e performuar, të gjithë përveç shtetit të Argjentinës në të cilin ai nuk është i lejuar të “shkelë”. Problemet e 22-vjeçarit në shtetin e Argjentinës nisën në vitin 2013 kur ai po performonte live ku Justin ka shkelur dhe ka larguar me këmbë flamurin Argjentinas duke treguar më vonë për median se ai mendoi se ishte një bluzë pa vlerë. “Kjo ishte thjesht një ngatërresë, nëse do ta kisha ditur që ishte flamuri Argjentinas kurrë nuk do të kisha bërë një veprim të tillë. Kërkoj falje për sjelljen time. Më vjen vërtetë keq për të gjithë fansat e Argjentinës për të cilët nuk do të mund të sjell “Purpose Tour”- shprehet Justin.