Justin Timberblake është një prej artistëve të parapëlqyer në mbarë botën, i cili ka treguar se është i përkushtuar jo vetëm në punë por edhe në familje. Këtë fakt e vërteton më së miri, martesa e tij shumëvjeçare me Jessica Biel, e cila duket më e fortë me kalimin e kohës, e gjithashtu edhe marrëdhënia e ngushtë që ai ka me djalin e tij 4-vjeçar, Silas. Së fundmi ata janë parë të dy në park duke ndihmuar Silas-in të praktikohej në baseboll, e këtë kohë ata e kanë shfrytëzuar për t’u argëtuar të tre së bashku. Familja është parë duke vrapuar e qeshur ndërkohë që praktikoheshin për ndeshjen e vogëlushit të tyre. Justin dhe Jessica e kanë mbajtur jetën e tyre familjare dhe private shumë larg vëmendjes së medias e është tepër e rrallë t’i shohësh në park së bashku.
