Mbrëmjen e djeshme Justin Timberlake dhe bashkëshortja e tij, Jessica Biel, morën pjesë në sfilatën pranverë-verë 2019 të “Louis Vuitton”. Pavarësisht se dukej se gjithçka do të shkonte mirë, sapo futën këmbën në tapetin e kuq, Justin dhe Jessica u përballën me një incident aspak të këndshëm. Gjatë kohës që ata po ecnin përkrah njëri-tjetrit një person i njohur për rrengjet e tij, Vitalii Sediuk, u kap pas këmbës së Timberlake. Nga fotografitë e shkrepura në event, shfaqet Sediuk duke mbuluar fytyrën pas këmbës së kapur të artistit të njohur.
Ndërsa Timberlake dhe Biel dukeshin mjaft të shqetësuar dhe konfuz nga veprimi i papritur i Sediuk. Megjithatë ky incident nuk zgjati shumë pasi rojet e sigurisë që rrethonin Justin dhe partneren e tij nxituan ta largonin menjëherë. Edhe pse dukej si ngjarje e frikshme, burime pranë “People” kanë treguar se këngëtari nuk u sulmua, pasi Vitalii vetëm u kap pas këmbës së tij.
Gjithashtu burimet kanë konfirmuar se Timberlake nuk është lënduar dhe se është shëndoshë e mirë. Gjatë viteve Sediuk është bërë shumë i famshëm për rrengjet e tij në tapetet e kuq dhe se Justin nuk ka qenë i pari që ka rënë pre e tyre. Më parë Vitalii ka tentuar të përqafojë Brad Pitt, të zvarritet pas fustanit të America Ferrera, është përpjekur t’i japë një puthje Will Smith dhe është ngjitur në skenën e “Grammy Awards”, kur Jennifer Lopez dhe Pitbull do i jepnin një çmim Adele. /revistawho.com
