Princ Harry dëshiron të vizitojë bashkë me familjen e tij Mbretërinë e Bashkuar por ka një problem të madh. Do që të jetë i sigurt, e kështu kanë nisur tensionet me ndihmësit e lartë të mbretëreshës Elisabeth II. Ai humbi të drejtat e mbrojtes kur u tërhoq nga detyrat mbretërore në vitin 2020. Megjithatë, duka i Sussex-it mendon se pa një garanci për sigurinë e tyre, nuk mund të jetë i qetë për shpërnguljen e familjes nga SHBA-ja në Mbretërinë e Bashkuar. Harry ka deklaruar më parë se trupa e tyre e sigurisë nuk mund ta ushtrojë detyrën në Mbretërinë e Bashkuar, e kjo është arsyeja pse nuk udhëton me familjen drejt vendit të tij të lindjes. Kujtojmë se Harry dhe Meghan e vizituan mbretëreshën në muajin prill në rrugën për në lojërat Invictus dhe morën pjesë në shërbimin e falënderimeve gjatë Jubileut të Platinumit muajin e kaluar, Nuk dihet nëse së shpejti do të shohim të gjithë familjen pranë mbretëreshës, që ajo të njohë dy stërnipërit.
