Në një postim të fundit, artisti italian Marco Lodola, i njohur për veprat e tij skulpturale dhe instalacionet e ndriçuara, ka ndarë me entuziazëm mendimet e tij për kolegen shqiptare Julinda Dhame.
“Ruaj një kujtim shumë të këndshëm nga ekspozita e organizuar nga Julinda Dhame në Tiranë për Krishtlindjet e vitit 2016, e bërë edhe më magjepsëse nga instalacionet e mia monumentale të vendosura në qytet dhe nga veprat e Giovanna Fra të ekspozuara në Muzeun e Artit Modern.
Mbeta thellësisht i prekur nga pasioni i saj i vërtetë për artin dhe nga angazhimi i pandërprerë në promovimin kulturor.
Shpresoj që, me këto zgjedhje, Julinda të mund të bëhet pjesë e qeverisë, duke vazhduar të mbështesë artin dhe kulturën dhe duke ofruar mundësi të reja për artistët ndërkombëtarë. Do të ishte një vlerë e madhe e shtuar për Shqipërinë dhe për të gjithë ne që besojmë në forcën e bukurisë dhe krijimtarisë.” u shpreh Lodola, duke përshkruar energjinë dhe praninë e veçantë që Dhame sjell në çdo projekt.
Ky vlerësim vjen në një periudhë kur Julinda Dhame po kandidon si deputete për qarkun e Tiranës me Partinë Socialiste, në zgjedhjet e ardhshme parlamentare. Dhame shquhet në skenën publike si Drejtore e Përgjithshme e Promovimit të Tiranës dhe si autore e disa iniciativave kulturore dhe mjedisore. Sipas Lodolës, përkushtimi i saj dhe vizioni afatgjatë janë “shkëndija” që e bëjnë Tiranën më të gjallë dhe më miqësore.
