E ftuar në programin “Në kurthin e Piter Pan”, Valbona Selimllari është rrëfyer para fëmijëve. Ajo ka zbuluar pasionet e fëmijërisë, por edhe marrëdhënien me djemtë dhe vajzën e saj.
“E dini ju? Unë kam qenë një futbolliste shumë e mirë, luaja gjithë ditën me çunat. Ka qenë një trajner, nga i cili më mbeti emri Bobi dhe pas tij, të gjithë miqtë Bobi, edhe sot”, tha ajo.
Por djali i madh ka një tjetër emër për të ëmën, siç në përgjithësi adoleshentët kanë me mamatë. “Kur do të më bëjë ndonjë shaka, më thonë ‘hë mi plakee’. Unë i them: ‘Po si ka mundësi që një mami si unë ta quash plakëë’. Por e di që e thotë me shaka”, ka shtuar Valbona.
