Julian Deda është padyshim një ndër aktorët më të dashur të humorit në Shqipëri. Me një karrierë të gjatë në skenat shqiptare, ai ka provuar teatrin, filmin, televizionin duke treguar aftësitë dhe talentin në çdo projekt. Prej disa vitesh e kemi parë në ‘Apartamenti 2xl’ një spektakël humori që ka fituar zemrat e publikut me batutat më së shumti spontane. Shkodrani i lindur në një familje artistësh ka ditur gjithmonë si ta përdori humorin në mënyrën më të mirë për të dhuruar buzëqeshje në fytyrat e gjithë njerzve që e duan dhe e ndjekin. Julian Deda ka rrëfyer për revistawho.com 10 gjërat që nuk dini për të.
- Kam qenë lojtar futbolli i federuar në një skuadër në Gjermani. (Foto)
- Nuk e ha pastiçon. Nuk e kam ngrënë kurrë ndaj dhe nuk ja di fare shijen.
- Urrej verën dhe plazhin. Jam i detyruar të shkoj në plazh prej fëmijëve. Po të ishte për mua do të doja të jetoja në një vend ku nuk ka kurrë verë dhe diell.
- Korrektësinë e kam sëmundje. Nuk flas me një ish-shok të ngushtë vetëm se nuk ishte i përpiktë në orare.
- Në vitin 1997 isha 16 vjeç dhe kam bërë roje poshtë pallatit i armatosur me kallashnikov.
- Nuk kam bërë asnjë punë tjetër në jetë. Vetëm aktor.
- Jam neglizhent ne larjen e makinës. Makina ime mund të rrijë pa u larë me muaj. Rekordi 4 muaj.
- Në moshën 6 vjeçare, duke luajtur poshtë pallatit në Shkodër, jam djegur keq fare në prush në të dyja këmbët. Sot nuk kam asnjë shenjë të kësaj djegie.
- Gjatë studimeve në Akademinë e Arteve nga viti 2000-2004, pra në 4 vjet nuk kam asnjë mungesë. Me pak fjalë kam frekuentuar 100% të mësimit.
- Kam probleme me gjilpërat dhe me dhurimin e gjakut, më zë. Herën e fundit në 2008 më ra të fikët. Që atëherë nuk bëj më./revistawho.com
