Kanye West heq dorë dhe finalizon divorcin me Kim Kardashian

Kanye West nuk ka mundur të ribashkohet me Kin pavarësisht përpjekjeve të tij dhe është gati të zgjidhë ligjërisht divorcin e tij me ish-bashkëshorten. Sipas dokumenteve gjyqësore të siguruara nga mediat e huaja, reperi ka paraqitur një “deklaratë zbulimi”, e cila zakonisht bëhet kur një çështje divorci është në prag të zgjidhjes. Dokumentet tregojnë se 45-vjeçari i ka dërguar të gjitha informacionet e tij financiare Kimit. Teksa ish-çifti kanë rënë dakord se si të ndajnë perandorinë e tyre shumë miliardë dollarëshe, nuk ka asnjë tregues se ata arritën në një marrëveshje për kujdestarinë e katër fëmijëve të tyre, North, Saint, Chicago dhe Psalm, e cila mund të jetë një betejë e vështirë për Kim.