Të enjten e 27 janarit, do të nisë zyrtarisht procesi i votimit të anëtarëve të jurisë për çmimet e Akademisë së Filmit, “Oscars 2022”.
Për të parën herë, Kosova është futur në listën e ngushtë të filmave pretendentë për t’u nominuar në kategorinë “Filmi më i mirë ndërkombëtar”, me filmin “Zgjoi”.
Ndërkaq, regjisorja e filmit, Blerta Basholli bashkë me aktoren e rolit kryesor, Yllka Gashi e producentin, Ylli Uka, kanë nisur me promovimin e “Zgjoit” nëpër mediat sociale.
Ekipi organizativ i filmit kanë realizuar një baner me sloganin: “Kosova’s Official Entry for Oscars (Hyrja Zyrtare e Kosovës për Oscars)”, bashkangjitur më disa hashtagë. Këta të fundit në funksion të shpërndarjes sa më virale të postimit.
Gjithashtu, ata kanë bërë të ditur që me anë të këtij promovimi synojnë të ndikojnë në reklamim ndërkombëtar./revistawho.com
