Kate Winslet ujë e sapun në “Fb”: Femra, mos kini frikë

“E di që jam e shëndoshë, që i kam këmbët e mëdha dhe që flokët e mia jo gjithmonë më rrinë si duhet”. Këto janë fjalët e yllit të “Titanic” Kate Winslet, e cila ka publikuar në llogarinë e saj të “Facebook” një foto të pazakontë. Aktorja shfaqet ujë e sapun dhe fton të gjitha femrat e të gjithë botës të bëjnë të njëjtën gjë. “E di që kam rrudha, por dua që sot të shikoni përtej tyre”, ka shkruar Winslet në një postim të gjatë. “Bëjini të ditur atij që kritikon pamjen tuaj që nuk iu bëhet vonë për komentet negative dhe që keni zgjedhur të mos jeni viktima të atyre që gjykojnë të tjerët vetëm nga aparenca”. Në luftën e saj kundër ndërhyrjeve në futurë e në trup, Kate sapo ka firmosur edhe një kontratë me linjën e kremërave “L’Oreal”. Ylli i kinemasë ka kërkuar specifikisht që imazhi i saj të mos përpunohet kurrsesi. “Na takon ne t’i rrisim femrat e reja si njerëz të fortë. Kjo për mua është shumë e rëndësishme”, ishte shprehur ajo për të përjavshmen “E News”.