Ditën e sotme këngëtarët pjesëmarrës në festivalin “Kënga Magjike” kanë votuar në Pallatin e Kongreseve. Ata kanë dhënë pikët për njëri-tjetrin në bazë të të cilave do të shpallen këngët finaliste e nesër mbrëma edhe fituesi. Të gjithë artistët kanë mundësinë të votojnë 25 këngëtarë, 22 këngëtarët e parë i votojnë me pikët prej 1-22, vendit të tretë duhet t’i japin 24 pikë, vendit të dytë 26 pikë, ndërsa vendin e parë duhet ta vlerësojnë me 30 pikë. Sakaq lista e këngëtarëve që do të shkojnë në finale nuk është bërë ende publike. Ajo që është publikuar është modeli i fletës së votimit dhe këtë e ka bërë pikërisht këngëtari Alban Ramosaj në ‘Instagram Story’, por duke mos zbuluar emrat për të cilët voton.
