Disa minuta më parë ka nisur edhe nata e dytë e performancave ‘live’ të ‘Kënga Magjike’. Edhe sot moderatori dhe producenti Ardit Gjebrea kishte zgjedhur një mënyrë speciale për ta nisur mbrëmjen. Me anë të një lidhjeje direkte nga shtëpia e Valbona Selimllarit, ai na kujtoi edhe njëherë 4 nga bashkëprezantueset që e shoqëruan vite më parë, të cilat ishin: Armina Mevlani, Olta Gixhari, Elia Zaharia dhe Valbona Selimllari.
Secila prej tyre ndau eksperiencat speciale të viteve të shkuara, ndër të cilat mori vëmendje ndodhia e pazakontë e Oltës, e cila zbuloi se përpara se të hynte në skenë kishin filluar t’i dridheshin dhëmbët kështu që kishte kafshuar Arditin në krah aq shumë sa i kishte mbetur shenjë.
Ndërsa Elia rrëfeu se ka nisur përgatitjet për ‘Kënga Magjike, një ditë pas dasmës, pa patur mundësi të shijojë pak ditë pushimi. Valbona Selimllari për ata që nuk e mbajnë mend ka qenë bashkëprezantuesja e parë e ‘Kënga Magjike’ në 1999-ën dhe rrëfimi i saj lidhej me emocionet e skenës së madhe të cilat i përballoi me shumë profesionalizëm edhe pse në moshë fare të re.
Armina Mevlani gjithashtu kujtoi pak nga eksperienca krah Arditit. Emocionet kanë qenë aq të mëdha për të sa ka qarë pafund para se të hynte në skenë. Më tej Arditi i ftoi bukuroshet e ekranit të jenë pranë tij gjatë finales së madhe. Në datë 8, ‘Kënga Magjike’ do të prezantohet nga 6 vajza të cilat do të jenë krah Arditit në 20-vjetorin e festivalit të muzikës moderne./revistawho.com
