Adele ka zbuluar se do të bëjë një pushim nga muzika pas shfaqjeve të saj në Las Vegas pasi planifikon të marrë një diplomë në Letërsinë angleze. Këngëtarja, e cila publikoi videoklipin e këngës së saj të re “I Drink Wine”tha se do të donte të kishte shkuar në universitet pasi kishte lënë shkollën.
34-vjeçarja tha se do të përfundojë një kurs online për të marrë diplomën. “Pas Vegas-it, unë me të vërtetë dua të marr një diplomë në Letërsi Angleze. Nëse nuk do të kisha arritur të këndoja, mendoj se do të isha patjetër mësuese. Mendoj se do të isha mësuese e anglishtes. Padyshim që ndihem sikur përdor pasionin tim për anglishten në atë që bëj. Por edhe pse nuk është se do të vazhdoja të gjeja një punë nga diploma ime, do të doja të kisha shkuar në universitet, do të doja ta kisha pasur atë përvojë. Unë nuk do të shkoj në universitet, do ta zhvilloj online dhe me një mësues.”, tha Adele.
