Përpara pak ditësh kudo në mediat e huaja doli lajmi se këngëtari i njohur Liam Payne kishte probleme të mëdha me të dashurën e tij, me të cilën ka dhe një fëmijë. Për shkak të gjithë debateve thuhej se shumë shpejt dy këngëtarët do shkonin drejt ndarjes.
Megjithatë Liam ka hedhur poshtë të gjithë zërat për një ndarje të mundshme, edhe pse ka pranuar se ka debate të vazhdueshme me Cheryl Cole. Këngëtari ishte i ftuar në një emision radiofonik ku tha se ai dhe Cheryl kanë mosmarrëveshje për shkak të djalit të tyre, Bear dhe skuadrave të futbollit. Çifti nuk janë të martuar, por ata kanë sjellë në jetë përpara 11 muajsh djalin dhe jetojnë në të njëjtën shtëpi. /revistawho.com
