Këngëtarja e njohur rrëfen historinë e saj si në “përralla”: “Rashë në dashuri me zërin e tij”

Historia e tyre i ngjan përrallave, ku prej 20 vitesh ata vazhdojnë akoma të duhen si ditën e parë. Këngëtarët e njohur nga Kosova kanë qenë sot të ftuar në studion e “Rudina Magjistarit” ku kanë rrëfyer për jetën e tyre dhe mbi të gjitha sekretin e një dashurie shumë-vjeçare. Mihrije Braha tregoi për publikun që Naim Abazi ishte idhulli i saj dhe në fillim kishte rënë në dashuri me zërin e tij. Fati deshi që të dy të takoheshin në Prishtinë dhe aty nisën tentativat e para për fillimin e një lidhjeje. Ndonëse Naimi e ka pasur shumë të vështirë ta bënte për vete, pasi këngëtarja bukuroshe ishte nga ato femra me karakter të fortë dhe duheshin goxha përpjekje. Por ja që kismetin tënd, nuk ta merr kush qoftë dhe këngëtari më me emër. Pas njohjes, 7 viteve bashkëjetëse, pasuar nga shumë vite të tjera martesë, ja ku janë sot prindër të një djali dhe ju rrëfejnë sekretin për një martesë me fund si në përralla:
“Dashuri, përkushtim, besim, pozitivitet!”