Një nga çiftet më të njohur të showbizit botëror, Ariana Grande dhe Mac Miller së fundmi pushtuan median me lajmin e ndarjes. Arsyeja që çoi drejt fundit të marrëdhënies ishte angazhimi nëpër ture i këngëtares së njohur, por u bë e ditur që kanë mbetur miq të mirë. Nuk pati konfirmim zyrtar për këtë çështje deri dje, kur Ariana publikoi një dedikim prekës për Miller duke lënë të kuptohet se marrëdhënia mes tyre ka marrë fund, por miqësia mbetet.
Në foton krahas tij ajo shkruan: “Përshëndetje! Ky është një nga miqtë e mi më të mirë në botë. Një nga njerëzit e mi më të preferuar në planet. Unë e respektoj dhe e adhuroj pafund dhe jam e lumtur që e kam në jetën time, në çfarëdolloj mënyre. Edhe pse marrëdhënia jonë po ndryshon apo për çfarë universi ka rezervuar për ne.”
“Dashuria e pakufijshme nuk është egoiste, është të duash më të mirën për dikë, edhe pse për momentin ajo mund të mos jesh ti. Me padurim pres të dëgjoj për ty dhe të të mbështes përgjithmonë. Jam shumë krenare për ty”, -e mbyll fjalën e saj Ariana./revistawho.com
