Këngëtarja me origjinë shqiptare që jeton në Britani, po korr gjithnjë e më shumë sukses me prurjet e saj muzikore. Madje shpesh Dua Lipa është komentuar se po ndjek hapat e Rita Ora-s, e shumë shpejt ka gjasa të bëhet e famshme në mbarë botën.
Pas pritjes së mirë që pati kënga “New Love”, Dua Lipa ka lançuar këngën më të re që titullohet “Be The One”.
Ky projekt muzikor do të jetë pjesë e albumit të parë të Lipa, i cili pritet të publikohet në 2016. E punuar dhe prodhuar nga Nicole Nodland, videoklipi i këngës tregon këngëtaren bukuroshe në disa pjesë të Londrës.
“Për mua “Be The One” flet për vetëbesimin, këmbënguljen dhe të luftosh për atë që do”, është shprehur ajo për uebsajtin “Nylon”.
