Festivali evropian më i rëndësishëm i këngës këtë vit do të mirëpresë 3 shqiptarë që do të përfaqësojnë 3 shtete të ndryshme. Bëhet fjalë për Eugent Bushpepën, Ermal Metën si përfaqësues i Italisë dhe Eleni Foureira si përfaqësuese e Qipros. Në një intervistë për ‘Jo vetëm modë’, Eleni foli për herë të parë pasi kënga e saj ‘Fuego’ u shpall fituese për të përfaqësuar Qipron në Eurovision.
E pyetur si ndihet për faktin që do jenë 3 shqiptarë këtë vit në festivalin e këngës, ajo u shpreh shumë e lumtur. “Shpresoj t’ia kalojmë sa më mirë bashkë gjatë festivalit dhe dua të them që nuk i shoh fare si konkurrentë. I kam dëgjuar të dyja këngët dhe më pëlqejnë shumë. Ju uroj fat të dyve pasi janë këngëtarë shumë të mirë”, ka thënë Eleni. Kujtojmë se Eleni u bë e njohur në Shqipëri pas bashkëpunimit me Butrint Imerin në këngën ‘Delicious’./revistawho.com
