Këngëtaren Teuta Kurti e mbajmë mend të gjithë në daljet e saj të para si një vajzë mbipeshë dhe me një zë karakteristik.
Deri në fund të adoleshencës Teutën nuk e ka shqetësuar aspak fakti i kilogramëve të tepërta, por më vonë këngëtarja pësoi një ndryshim drastik në fizikun e saj. Shumë kilogram më pak dhe në çdo dalje të saj televizive shihej e transformuar. Por si ja arriti këngëtarja të dobësohej kaq shumë, por në të njëjtën kohë të qëndronte e shëndetshme?
Teuta ka treguar për emisionin “NIN” në Klan Kosova se nuk ka mbajtur asnjëherë dietë dhe nuk ka shkuar asnjë ditë në palestër.
“Edhe pse nuk më beson njeri une nuk kam mbajtur asnjeherë dietë dhe nuk kam shkuar asnjë ditë në palestër. Është çështje organizmi dhe përveç kësaj lëviz shumë sidomos edhe me ardhjen në jetë të fëmijëve, ngjis dhe zbres shkallët gjate gjithë ditës. Unë thjesht nuk konsumoj dot një picë të tërë apo një hamburger, edhe pse më pëlqejnë shumë brumrat”. Teuta tregon se është tip sportiv dhe mjaft elastik.
