Bashkëshorti i aktores Sarah Jessica Parker ka dhënë një intervistë për “Watch What Happens Live” dhe u desh veç të tregonte takimin e parë me aktoren për të kuptuar se dashuria e tyre ka qenë me shikim të parë. “E pashë duke ecur në rrugë dhe menjëherë e kuptova se ajo ishte e duhura”, tha Matthew Broderick.
Kur u pyet për cilësitë që pëlqen më shumë te bashkëshortja e tij, ai listoi humorin dhe mençurinë e saj.
Kjo deklaratë e ëmbël dashurie vjen fill pasi u dha lajmi për rikthimin e tyre në një skenë së bashku, më shumë se 20 vite nga hera e fundit që kanë interpretuar bashkë. Çifti kanë 3 fëmijë, djalin 19 vjeç dhe dy vajza binjake dhe bashkë me ta debutuan të tapetin e kuq për shfaqjen e radhës që do mbajë emrin “Plaza Suite”.
