Mbrëmjen e kaluar Albërije Hadërgjonaj dhuroi një performancë plot emocione në natën finale të festivalit të ‘RTSH-së’. Pas këtij momenti, vajza e saj, Anxhelina i ka dedikuar fjalët më të bukura me anë të një postimi në ‘Instagram’.
“Kështu dua të dukem unë pas 18 vitesh. Krenaria dhe gëzimi im. Të dua mami”, ka shkruar Hadërgjonaj krah fotove të Albërijes mbrëmjen e djeshme ku bie në sy ‘look-u’ i artistes i kuruar deri në detaje.
Këngëtarja është vënë shpeshherë në qendër të vëmendjes nga ndjekësit e saj për shkak të formave në të cilat është shfaqur gjithmonë.
Kujtojmë se kënga me të cilën Albërija garoi në Festivalin e ‘RTSH-së’ u prit mjaft mirë nga publiku dhe tani numëron disa mijëra klikime në kanalin e ‘Youtube’.
