Pas tradhëtisë së Tristan Thompson me Jordyn Woods, Khloe Kardashian ka kaluar një periudhë të vështirë. Motra e saj, Kylie, vendosi ta falte miken, Jordyn, por Khloe nuk ka ndërmend ta bëjë këtë gjë. Burime për “People” kanë treguar se ylli i “Keeping Up With The Kardashians” nuk dëshiron ta shikojë më asnjëherë Jordyn. Të njëjtat burime kanë shtuar se ndërsa Khloe nuk do ta falë, motra e saj Kylie ka krijuar sërish miqësi me Jordyn, por as ato nuk do të jenë më shoqe të ngushta si më parë. “Është zgjedhja e Kylie për të pasur kontakt me Jordyn. Ajo e kupton se është një çështje delikate dhe e dhimbshme për Khloe-n. Ajo është ende shumë e surprizuar nga ajo që ndodhi. Kylie e ka konsideruar gjithmonë Jordyn si besnike dhe të respektueshme”, raporton “People”. Lajmet e para për tradhëtinë e Tristan ndaj Khloe Kardashian dolën në shkurt të këtij viti dhe më pas e gjithë çështja shkaktoi bujë të madhe edhe në rrjete sociale. /revistawho.com
