Kida është shumë aktive në muzikë dhe këtë e kemi vënë re në publikimin e klipeve të reja. I fundit është bashkëpunimi me Xhensila Myrtezaj, kënga me titullin “Uh Baby” e cila u prit shumë mirë nga publiku dhe numëron 18 milion shikime. Pas tre muajve, Kida ka vendosur të rikthehet dhe jo me një projekt, por dy. Kështu tha këngëtarja një javë më parë në emisionin “Xing me Ermalin”. “Tani do publikoj një këngë solo dhe tjetra do jetë bashkëpunim”, -tha Kida. Mesa duket ajo po e mban fjalën pasi ditën e sotme, Kida ka postuar një foto me producentin Zap ku shkruan “Po vijmë së shpejti, Andërr” duke zbuluar kështu edhe titullin e këngës./revistawho.com
