Kim Kardashian e ka rrëfyer ekskluzivisht për “Vogue” si i humbi 7 kile që të mund të vishte fustanin ikonë të Marylin Monroe në “Met Gala”.
“Kam mbajtur dy herë në ditë një kostume saune, kam përdorur pistën e vrapimit, hoqa dorë krejtësisht nga sheqernat dhe karbohidratet, kaloritë i kam marrë vetëm nga proteinat dhe perimet. Nuk kam vdekur urie, por kam mbajtur një dietë të rreptë”, ka thënë miliardeja.
Kaq u desh që një lum kritikash të drejtohen tek ajo, pasi dobësimi me 7 kilogramë në vetëm 3 javë shihet si promovim i sjelljeve të pashëndetshme.
Një nënë ka reaguar në Twitter duke shkruar: “Çështja me Kim Kardashian që dobësohet për një fustan është budallallëk. As nuk duhet ta thoshte këtë gjë në televizion. Vajzat e reja mund ta përdorin si justifikim për problemet e tyre të ushqyerjes”.
Vetë Kim nuk ka bërë asnjë reagim për këto kritika./revistawho.com
