Kim Kardashian është “single” dhe ka në plan të qëndrojë shumë gjatë ashtu. Pas divorcit të saj me Kanye West dhe lidhjes disa mujore me ish-komedianin e “Saturday Night Live”, Pete Davidson, ylli i Holliwood-i ka zbuluar se nuk ka interes të fillojë një lidhje të re së shpejti.
Së fundmi, gjatë një daljeje në Live me Kelly dhe Ryan, Kim Kardashian u pyet se çfarë po kërkon nga një mashkull i ri dhe se kush mund të jetë në krah të saj. Ajo thjesht u përgjigj me: “Absolutisht asnjë”.
Kim la të kuptohet se ka kaq shumë gjëra për të bërë tani që kërkojnë aq shumë vëmendjen e saj, saqë nuk ka vend në jetën e saj për një të dashur.
“Nuk po kërkoj asgjë me askënd, mendoj se me të vërtetë duhet të jem vetëm dhe të fokusohem te fëmijët e mi dhe të mbaroj shkollën”, tha ajo.
Vetëm pak javë më parë, në një intervistë me James Corden, Kim tha me shaka se duke qenë se marrëdhëniet e saj me njerëzit në industrinë e argëtimit nuk duket se po funksionojnë, ajo do të kërkojë partnerin e saj të ardhshëm diku tjetër.
Me shaka ajo tha se do të fillonte të frekuentonte firmat mjekësore ose të Avokatisë për të gjetur të dashurin e saj të ardhshëm.
“Unë mendoj se do të jetë dikush si një shkencëtar, neuroshkencëtar, biokimist, doktor apo avokat,” i tha ajo Corden. “Kjo është ajo që unë imagjinoj në të ardhmen.”
Kim tha gjithashtu se për shkak të famës së saj, hapja e një profili Hinge ose Bumble ose Tinder nuk është një opsion. “Mendoj se mënyra më e lehtë për mua për të takuar dikë është përmes diçkaje të organizuar në shtëpinë e një miku. Megjithatë, nuk duhet të jetë asgjë e ekzagjeruar. Dhe absolutisht nuk duhet të jetë në publik. Por do të jetë për të ardhmen, sepse për momentin nuk po kërkoj vërtet një histori”.
Kim Kardashian është e martuar prej 8 vitesh me Kanye West, me të cilin ka katër fëmijë. Praktikisht menjëherë pas divorcit, ylli filloi të takohej me Pete Davidson, i cili megjithatë u largua në fillim të gushtit pas lidhjes 9-mujore.
