Ditën e sotme djali i Kim Kardashian dhe Kanye West feston 4-vjetorin e lindjes. Ashtu si çdo herë tjetër nuk mungoi një urim special nga Kim për djalin e saj më të madh. Ylli i televizionit ka publikuar në ‘Instagram’ një foto të vogëlushit, që dallohet për kaçurrelat e tij dhe buzëqeshjen e ëmbël. “Nuk kam fjalë ta përshkruaj sa shumë e dua buzëqeshjen dhe kaçurrelat e tua Saint! Ti i jep shumë lumturi shpirtit tim. Ti je shumë i sjellshëm, i dashur dhe i ëmbël. Jam shumë e lumtur sot për ditëlindjen tënde të katërt dhe që po festojmë se sa shumë je rritur ti. Gëzuar ditëlindjen i ëmbli im Sainty”, ka shkruar Kim në një postim në ‘Instagram’.
https://www.instagram.com/p/B5sjKO1ALZZ/?igshid=1avgylal4j8z4
Nuk munguan urimet dhe nga familjarë të tjerë të familjes Kardashian, duke qenë se Saint është edhe një nga të preferuarit e tyre. Kris Jenner përveçse e ka uruar publikisht, ka postuar në rrjete sociale disa foto të vogëlushit që nga lindja e tij e deri në ditët e sotme.
https://www.instagram.com/p/B5sYYYbJ0MP/?igshid=l44zc8zy8e1i
Kujtojmë se përveç Saint, Kim dhe Kanye janë prindër edhe të tre fëmijëve të tjerë, North, Chicago, Psalm. /revistawho.com
