Nëse do ishim në mendjen e Kim Cattrall me siguri do e kuptonim që emocionet e saj këtë periudhë janë të mëdha. Në fakt qëkur u lajmërua se do nisë puna për rikthimin e ‘Sex and the City’, të gjithë adhuruesit e Kim në rolin e Samantha Jones kanë bombarduar çdo profil që shkruan për serialin duke dhënë arsyet pse ky rikthim s’do jetë i bukur pa aktoren.
Dhe çfarë ka bërë ajo në këtë pikë? Epo le të themi që nuk ka ndenjur aq rehat, e ca kunja direkte dhe indirekte nuk i ka kursyer, veçanërisht për Sarah Jessica Parker, me të cilën që në fillimet e serialit nuk i ka pasur punët mirë dhe thuhet se për to, të punonin bashkë nuk ka qenë aq e lehtë. Kim ka qenë e vetmja nga aktoret e serialit shumë të suksesshëm që kurrë nuk shprehu dëshirën për të qenë pjesë e vazhdimit. Sa herë e pyesnin në intervista për të, ajo shprehej se nuk shikonte asnjë arsye pse ‘Sex and the City’ duhet të rikthehet. Në 6 vite intervista ajo kurrë nuk ndryshoi mendim, as nuk doli nga fjala megjithëse shumë kolegë të saj kur kanë parë shifrat e ofruara prej poducentëve kanë ndryshuar mendje.
Megjithëse për të, personazhi Samanthës, s’kishte më ç’të thoshte, Kim nuk i ka lënë fjalët dhe grricjet që kur ka nisur xhirimi i serialit. Ajo që askush nuk po kupton është pse vazhdon me këtë sjellje që është konsideruar e pasjellshme nga shumë fansa të serialit, fundja është ajo vetë që hoqi dorë, megjithëse dera vazhdon të jetë e hapur. A nuk ka ardhur koha që Kim të vazhdojë rrugën e saj e të mos grricet më me ish-koleget?/revistawho.com
