Moderatorja Dojna Mema është në pritje të ëmbël dhe teksa është në javët e fundit të shtatzënisë, marrëdhënien me kondicionerin e ka shumë të ngushtë. Megjithatë prej tij siç thotë vetë Dojna edhe është ftohur dhe tani ka marrë disa ditë pushim nga kondicioneri për të marrë veten. Bazuar në këtë fakt, dhe që i duhet të qëndrojë në shtëpi, Dojna nisi një pyetësor të ri në “Instagram” dhe njëra prej pyetjeve të para është tepër e ndjerë.
“A e pate mundësinë ta prezantoje babin me Vlashentin”.
Dojna natyrisht ka zgjedhur t’i përgjigjet kësaj pyetjeje.
“Po dhe është një nga gjërat për të cilat jam më shumë e lumtur, për këtë duhet t’ia di për nder Vlashentit sepse ne kishim një muaj e gjysmë bashkë, shumë pak dhe normalisht që nuk e prezanton me familjen një person me të cilin ke një muaj e gjysmë. Ja bëra si kërkesë në majë të gishtave dhe Vlashenti absolutisht pranoi dhe e ka jetuar babin tim një vit, vitin e fundit, dhe gjithmonë do më kujtohet ai momenti kur vinte te shtëpia ime dhe babi im si adhurues shumë i madh i muzikës italiane, Vlashenti ulje gjithmonë ose në piano ose në kitarë dhe i lunate këngët e tij të preferuara. Në të gjithë atë fatkeqësi që kemi përjetuar si familje, për fat Vlashenti arriti ta njihte dhe babi arriti ta njihte Vlashentin”, tha Dojna.
Kujtojmë se babai i Dojnës u nda nga jeta në dhjetor të vitit 2019.
