Sot ajo është partnerja e një prej futbollistëve më të famshëm dhe më të paguar në botë, Cristiano Ronaldos. Por as ajo vetë nuk e kishte menduar se nga një shitëse, do të kthehej në personazhin e përfolur të mediave rozë. Georgina Rodriguez ka vendosur të rrëfejë jetën e saj, në një dokumentar që mban emrin: “I Am Georgina” (Unë jam Georgina), të realizuar nga Netflix që është aktualisht ndër më të komentuarit.
Nga jetesa në një prej lagjeve më të varfra të provincës spanjolle Haca, burgosja e të atit, për shkak se ishte pjesë e një grupi që merrej me kontrabandë kanabisi nga Maroku në Spanjë, si dhe zhvendosja në moshën 18-vjeçare në Londër për të ndjekur ëndrrat e saj. Ekipi i Netflix zbulon se ky reality show do të jetë një portret i thellë dhe emocional i gruas prapa fotove, historive dhe titujve të mëdhenj.
Temperamenti i saj latin dhe silueta e përsosur e bënë atë shumë shpejt të dallohej në industrinë e modës si modele, duke krijuar bashkëpunime me revista ndërkombëtare, ndërsa ishte gjithashtu imazhi kryesor i fushatës së të brendshmeve Yamamay.
Rikujtojmë se dyshja e njohur Cristiano dhe Rodriguez kanë një fëmijë së bashku, vajzën 3-vjeçare Alana Martina.
Po ashtu, ajo rrit edhe tre fëmijët e tjerë të Ronaldos, binjakët e birësuar Eva dhe Mateo, si dhe djalin e madh, Cristianino 10 vjeç./revistawho.com
