Dojna Mema ka publikuar një video mbrëmjen e shkuar ku shfaqej me motrën e tregonte se ajo kishte ardhur për ta ndihmuar me rregullimin e shtëpisë. Kaq mjaftoi që të lihej të kuptonim se Dojna mund të ketë nisur bashkëjetesën me Vlashentin. Sigurisht që kjo mbetet për t’u konfirmuar në vazhdim, por ne po na habit vetëm një detaj.
Disa javë të shkuara ajo ka treguar si e mendon propozimin perfekt. “Për momentin nuk e kam në plan të martohem. Jam e lumtur, e plotësuar dhe e rrethuar me dashuri. Martesa më pëlqen shumë si ritual, por me covid dhe kohërat që po jetojmë, s’më duket aspak momenti. Pastaj, jam tradicionale aq sa ëndërroj propozimin më romantik që mund të ekzistojë. Pa ardhur ai, s’lëviz nga mami im”, u shpreh moderatorja asokohe. Tani ose Vlashenti i paska propozuar e nuk dimë gjë, ose ajo ka hequr dorë nga këto gjërat romantike. Dhe mirë ka bërë, se lidhja e vërtetë nuk ka dhe aq nevojë për këto gjërat si në filma.
Tani presim nga çifti të na konfirmojnë statusin e tyre si bashkëjetues ose jo./revistawho.com
